ភ្នំពេញ : វត្តមានទឹកអនាម័យស្រ្តី Saforelle ក្នុងទិវា Women’s Health Day 2026 នៅផ្សារទំនើបជីប ម៉ុង ដើម្បីបង្កើនការយល់ដឹងអំពីសុខភាពផ្លូវភេទរបស់ស្រ្តី

សហគ្រាសផលិតឱសថប៉េប៉េអឹម សហការជាមួយក្រុមហ៊ុន Biocodex បានរៀបចំកម្មវិធី Women’s Health Day 2026 ពីថ្ងៃទី៨ រហូតដល់ថ្ងៃទី១០ ខែឧសភា ដែលជាព្រឹត្តិការណ៍ស្តីពីសុខភាពស្រ្តី នៅក្នុងផ្សារទំនើបជីប ម៉ុង ២៧១ រាជធានីភ្នំពេញ។ គំនិតផ្តួចផ្តើមនេះដែលគាំទ្រជាពិសេសដោយផលិតផលម៉ាក Saforelle និងដែលផ្តោតសំខាន់ទៅលើការបង្កើនការយល់ដឹង និងវិធានការកាពារ ត្រូវបានបង្កើតឡើងក្នុងបំណងអប់រំអំពីការថែរក្សាសុខភាពអនាម័យតំបន់ឯកជនរបស់ស្រ្តី។

បើតាមប្រសាសន៍របស់លោក តិច ស៊ីម៉ូ នាយក​ពាណិជ្ជកម្ម​ក្នុង​ស្រុក​​នៃសហគ្រាសផលិតឱសថប៉េប៉េអឹម កម្មវិធីនេះរៀបចំឡើងដើម្បី «លើកកម្ពស់សុខភាពស្រ្តី និងផ្តល់ឱ្យពួកគេនូវចំណេះដឹងចាំបាច់ដើម្បីយល់ដឹងកាន់តែច្បាស់ និងថែរក្សាសុខភាពអនាម័យផ្លូវភេទរបស់ពួកគេ»។ មានវត្តមាននៅជាន់ក្រោមនៃផ្សារទំនើបជីប ម៉ុង ស្តង់របស់សហគ្រាសផលិតឱសថប៉េប៉េអឹមទទួលបានចំណាប់អារម្មណ៍ពីអ្នកចូលទស្សនាយ៉ាងច្រើនកុះករតាំងពីថ្ងៃទីមួយមកម្ល៉េះ។ ក្នុងអំឡុងពេលបីថ្ងៃនេះ អ្នកចូលរួមអាចទទួលបានការពិគ្រោះជំងឺដោយឥតគិតថ្លៃដែលផ្តល់ជូនដោយគ្រូពេទ្យឯកទេសរោគស្រ្តីមួយរូបដែលជាដៃគូសហការ។

ជាផលិតផលរបស់ប្រទេសបារាំង ទឹកអនាម័យ Saforelle កំពុងវិវត្តទៅមុខបន្តិចម្តងៗនៅលើទីផ្សារកម្ពុជា។ ថ្លែងទៅកាន់អ្នកសារព័ត៌មានក្នុងស្រុក លោកតិច ស៊ីម៉ូ គូសបញ្ជាក់ថា៖ «ទទួលស្គាល់ថា ជាផលិតផលដែលមានគុណភាព និងសុវត្ថិភាព ទឹកអនាម័យ Saforelle ទទួលបានការគាំទ្រកាន់តែខ្លាំងឡើងៗពីសំណាក់ស្រ្តីខ្មែរ និងត្រូវបានគ្រូពេទ្យឯកទេសរោគស្រ្តីណែនាំឱ្យប្រើប្រាស់ទៀតផង»។

ចំណែកឯកញ្ញា Lorène Metral ប្រធានតំបន់អាស៊ីប៉ាស៊ីហ្វិកនៃក្រុមហ៊ុន Biocodex បានរម្លឹកថា ទឹកអនាម័យ Saforelle គឺជាផលិតផលលំដាប់លេខ១ ក្នុងឱសថស្ថាននៅប្រទេសបារាំង និងប៊ែលហ្សីក។ Saforelle មានវត្តមាននៅកម្ពុជាជាងដប់ឆ្នាំមកហើយ បច្ចុប្បន្នផលិតផលនេះក្លាយជាផលិតផលឈានមុខគេនៅកម្ពុជា។ «ទឹកអនាម័យ Saforelle ត្រូវបានគ្រូពេទ្យឯកទេសរោគស្រ្តីចេញវេជ្ជបញ្ញាយ៉ាងទូលំទូលាយ មិនថានៅតាមគ្លីនិក  មន្ទីរពេទ្យរដ្ឋ ឬក៏មន្ទីរពេទ្យឯកជននោះទេ។ ឥឡូវ ប្រជាពលរដ្ឋខ្មែរជាច្រើនស្គាល់ច្បាស់ពីផលិតផលនេះ»។ នេះជាការពន្យល់របស់កញ្ញា Lorène Metral ទៅ​កាន់បណ្តាញ​ផ្សព្វផ្សាយ​ ដោយសង្កត់ធ្ងន់លើសារសំខាន់នៃទំនាក់ទំនងបែបអប់រំជាមួយស្រ្តី។

ស្របពេលជាមួយគ្នានេះដែរ នៅក្នុងព្រឹត្តិការណ៍នេះ ក៏មានការរៀបចំសន្និសីទវិទ្យាសាស្រ្តស្តីពី «ស្វែងយល់ពីការថែរក្សាសុខភាពអនាម័យតំបន់ឯកជន និងកំហុសឆ្គងទាំងប្រាំប្រកាដែលស្រ្តីតែងតែប្រព្រឹត្ត»។​ ដឹកនាំដោយលោកស្រីវេជ្ជបណ្ឌិតឯក ម៉េងលី ឯកទេសផ្នែកសម្ភព និងរោគស្ត្រី កិច្ចប្រជុំដែលបានធ្វើឡើងនៅសណ្ឋាគារ Fairfield គឺជាឱកាសដើម្បីលើកឡើងពីប្រធានបទសំខាន់ៗទាក់ទងនឹងសុខភាពស្ត្រី និងចែករំលែកអនុសាសន៍ទាក់ទងនឹងការអនុវត្តជាក់ស្តែង។

តាមរយៈគំនិតផ្តួចផ្តើមនេះ សហគ្រាសផលិតឱសថប៉េប៉េអឹម និងក្រុមហ៊ុន Biocodex មានបំណងពង្រឹងការយល់ដឹងអំពីការអនុវត្តអនាម័យផ្លូវភេទល្អ និងចូលរួមចំណែកដល់ការថែទាំសុខភាពស្ត្រីនៅកម្ពុជាឱ្យកាន់តែប្រសើរឡើង៕